IT 其實好折墮

轉貼文章，唔知大家知唔知，但係真係好真呀!! 某些地方稍加補充。

付出：

1. 讀書量認真的話可以同醫科比，知識更新率應是所有科目之冠。

2. 功課量最多。

3. 投資極大，書超貴，考試更貴。

收穫：

1. 失業日子多過返工。

2. 返工極驚失業，毫無職業保障。

3. OT 極嚴重。

4. 領取比保安員還低的薪金。（保安市價 6500 、每日工時十二小時，高級保安 7500 、每日工時十二小時，保安長過萬、每日工時八小時！）部份IT人現領取清潔工人的卑賤薪金，可恥。

社會人士的看法：

1. 科網泡沫爆破後，社會開始歧視 IT 人。

2. 所有人都認為託 IT 人幫手檢查或提供其他服務，是無義務付錢的，因為 IT人的知識只是清潔工人的價錢，難道你託朋友幫你丟垃圾也要付錢？

3. IT 人是不需要私人時間的，俗稱所謂朋友的社會人士會託你幫手 format windows重裝，一般需時一個下午，佢會叫你做，然後自己去玩。

4. IT 人的職責是所有有電的物件的保養維修。


自己的看法：

1. 到你老左，business knowledge 又無，technical skills 又 outdate。做 sales人地話你樣殘，做 low level 工作人地又會覺得你太 smart。

2. 同親戚講你做 IT 佢地覺得你下年都唔知仲有無得撈，只係會叫你幫佢買電腦。

3. 成日 OT，連同朋友的共同嗜好都無埋，莫講話識新女，六親都無埋。

4. 個人太 outgoing，太 fashionable 老細覺得你唔會坐係度專心做 program / support。要夾硬迫自己變"柒"。

5. 無機會學好英文或者普通話。只係會用 Technical English。

6. 講野成日 if then else while for，係朋友都怕左你。你自己仲以為自己好醒，好 logic。

7. IT人不會同其他 IT人比較能力同人工。只會比較大家的 contract period 有幾長同放工時間。早放工的 IT 人會覺得自己好自豪。

8. 你做緊重要 project 時，老細會當你係神，你仲可以惡過 D top sales。但係無 bonus，無職升。但係一做完同啲 code stable 時，一個唔覺意，你自己的工作就會 shift左被人 maintain ，可能係一個能力、學歷都比你低的人。咁你可能要搵定後路。

9. 眼見其他老同事一個個被踢走，工作俾左你。仲有一 D 平價新人上位，老細喜歡助長佢地氣燄，等佢地以為自己好受重用去咬你。你覺得你自己是一隻衰老中的雞。

10. 你做到野，同其他行業唔同。老細唔會覺得你有能力去 lead 其他人，就算你有，都驚你跟緊個 system 會死。情願用個外來人做你阿頭。

總之，當你見到你的同行一個一個咁陣亡，但係你仲有得做，就算老細 "lum" 你，你都會開始懷疑自己仲可以做幾耐。呢種心理感覺同壓力，就算是無間道的秋生去扮演，佢無辨法俾到戲你，因為佢未做過 IT。做到的，肯定可以成為影帝。